کابل کې د ایرنا خبري آژانس د خبریال په خبره؛ د افغانستان د سرپرست دولت د کانونو او پټرولیم وزارت ویاند همایون افغان یکشنبې د غبرګولي ۶ مه ماښام مهال پر خپله اېکس پاڼه لیکلي: د کانونو او پټرولیم وزارت سرپرست شهاب الدین دلاور د ایران د شهیر ګروپ کمپنۍ او د هغو د افغان شریکانو سره په کابل کې ولیدل.
افغان زیاته کړې، د دغه شرکت مشر د خپلو ظرفيتونو، فعاليتونو او کاري تجربو، د افغانستان د ګازو په کانونو کې د پانګونې په برخه کې د خپلې لېوالتيا، څېړنو، د استخراج لپاره د څاګانو کيندلو، په کورونو، ښارګوټو کې د ګازو د وېش شبکې جوړولو او طبیعي ګاز د CNG بدلولو سټیشنونو په اړه معلومات ورکړل.
د کانونو او پټرولیم وزارت سرپرست د پانګونې په برخه کې د دوی لېوالتیا وستایله او ډاډ یې ورکړ چې د پانګونې د زمینې په برابرولو کې به د کانونو د قانون او طرزالعمل له مخې له دوی سره همکاري وکړي.
د پیغام پای/
Your Comment